«Կանաչ գիրք» էկոկրթությունը տեղեկատվական հաղորդակցության տեխնոլոգիաների (ՏՀՏ) գործիքների կիրառմամբ

Ծրագրի մանրամասներ և արդյունքներ

Նախագծի նկարագրությունը

«Կանաչ գիրք» ծրագրի նպատակն է տեղեկատվական հաղորդակցության տեխնոլոգիաների (ՏՀՏ) գործիքների կիրառմամբ մշակել շրջակա միջավայրի և բնապահպանական խնդիրների վերաբերյալ մատչելի և հասանելի կրթական մոդուլներ դպրոցականների համար։ ՏՀՏ գործիքները մեր օրերում կրթության, այդ թվում` ուսուցման և ուսման անբաժանելի մասն են կազմում:

Ստեղծված աշխատանքային խումբը, որը բաղկացած է համապատասխան փորձագետներից և ուսուցիչներից, կձևավորի մոդուլներ՝ ընդգրկելով երկրագիտության հիմունքներից մինչև կլիմայի փոփոխության մեղմման ու հարմարվողականության լուծումներ և տեխնոլոգիաներ:

Առցանց հարթակում ստեղծված ՏՀՏ մուլտիմեդիա գործիքները կօգտագործվեն հաղորդակցվելու  և բնապահպանական մոդուլները ուսուցիչների, դպրոցականների և այլ շահագրգիռ կողմերի հետ կապելու, և այն նույնիսկ հեռավոր գյուղերում հասանելի դարձնելու համար: Դասընթացն ավարտելուց և ցանկացած ծավալի բնապահպանական ծրագիր իրականացնելուց հետո մասնակիցներին կտրվեն «Կանաչ հերոս» սերտիֆիկատներ:

Նախագծի արդյունքները

Նախագիծը կտա հետևյալ արդյունքները.

«Կանաչ գիրք» կրթական մոդուլներ,

• թվայնացված կրթական մոդուլներ ՝ Էլեկտրոնային «Կանաչ գիրք», որը հասանելի կլինի ընտրված հասանելի կրթական հարթակներում և մեդիա ալիքներում,
• «Կանաչ հերոս» սերտիֆիկատներ՝ մոդուլների հաջող իրականացման և բնապահպանական գործողությունների զեկույցների ներկայացման համար,
• շուրջ 3000 անմիջական շահառուներ (որից՝ 1600 կին,  1400 տղամարդ),
• կներգրավվեն շուրջ 30 հասարակական  և շուրջ 1400 համայնքային կազմակերպություններ (մասնավորապես դպրոցներ)՝ երաշխավորելով, որ Հայաստանի յուրաքանչյուր մարզից կընդգրկվի  երիտասարդական կազմակերպություն:

Ծրագրի ազդեցությունը կչափվի արդյունավետության հետևյալ հիմնական ցուցանիշներով

Այս նախագիծը նախատեսում է ավելի մեծ ազդեցություն ունենալ, և հետևյալ գործողությունները կհանգեցնեն նախագծի հաջողությանը.

• կազմակերպված 5 փորձագիտական խումբ, մշակված մոդուլներ,
• ուսուցիչների և փորձագետների համար երկօրյա սեմինար,
• փորձարկված մոդուլներ առնվազն 1 դպրոցում,
• ՏՀՏ համապատասխան գործիքներում թեմաների ներկայացման համար մշակված մեթոդաբանություն և սցենար,
• հաստատված և  երաշխավորված ուսումնական նյութեր,
• ստեղծված կրթական հարթակ/կայքէջ, որը հասանելի է պատասխանատու կառույցների կայքէջերից` «կանաչ» կոճակի տեղադրմամբ,
• տեսա- և ձայնային կրթական նյութեր  YouTube-ի և Soundcloud-ի համար,
• «Կանաչ հերոս»  սերտիֆիկատի ձևաչափի մշակում, կանոնների ստեղծում և սերտիֆիկատի տրամադրման գործընթացի ավտոմատացում: