Արևային ջրատաքացուցիչ համակարգի փորձնական մոդելի կառուցում և շահագործում Գյումրի քաղաքի մտավոր թերզարգացում ունեցող երեխաների թիվ 3 հատուկ դպրոցում

Ծրագրի մանրամասներ և արդյունքներ

Ծրագիրը նախատեսում է ցածր ածխածնային տեխնոլոգիաների ներդրում ու արևային էներգիայի օգտագործման փորձի փոխանցում համանքին՝ «Գյումրիի մտավոր թերզարգացում ունեցող երեխաների թիվ 3 հատուկ օժանդակ դպրոց» ՊՈԱԿ-ում արևային ջրատաքացուցիչ համակարգի կառուցման և շահագործման միջոցով: Դպրոցն  ունի 65 աշխատակից, որտեղ սովորում են 122 աշակերտ: Դպրոցը գիշերօթիկ  է և սննդի պատրաստման ու սանիտարահիգիենիկ նպատակները հոգալու համար մշտապես ունի տաք ջրի պահանջարկ:

Արևային տաք ջրամատակարարման համակարգի ներդրումը հնարավորություն կտա դպրոցին օրական տնտեսել մոտ 30 խոր. մ  բնական գազ, որի արդյունքում մթնոլորտ չի արտանետվի տարեկան առնվազն 25 տոննա ածխածնի երկօքսիդ և այլ ջերմոցային գազեր: Դպրոցը տարեկան կտնտեսի մոտ 5500 ԱՄՆ դոլար, որը կնպատակաուղղվի սաների բարեկեցության ու դպրոցի պայմանների բարելավմանը:
Ծրագրի շրջանակներում կպատրաստվեն արևային էներգիայի օգտագորման ուսումնա-ցուցադրական մոդելներ, որոնք կօգտագործվեն ուսումնական հաստատություններում ու ռեսուրս կենտրոններում գործնական ուսումնական պարապունքների ու դասընթացների անցկացման ժամանակ:

Ծրագրի իրականացումից հետո կունենաք հետևյալ արդյունքները.

• Դպրոցում արևային տաք ջրամատակարարման փորձնական համակարգի տեղադրում, փորձարկում և շահագործում,
• Հայաստանի Պետական Ճարտարագիտական Համալսարանի Գյումրու մասնաճյուղում վերականգնվող էներգիայի աղբյուրների ռեսուրս կենտրոնի ստեղծման աջակցություն՝ ուսումնացուցադրական գործող մոդելների պատրաստման միջոցով,
• Արևային էներգիայի օգտագորման ուսումնացուցադրական մոդելների առկայություն, որոնք կօգտագործվեն ուսումնական հաստատություններում ու ռեսուրս կենտրոններում ուսումնական գործնական պարապմունքների ու թրեյնինգների ժամանակ,
• Արևային տաք ջրամատակարարման համակարգերի նախագծման ու սպասարկման դասընթացների ու ուսումնական գործնական վերապատրաստումներ դպրոցի աշխատակիցների, ուսանողների, դասախոսների, ոչ առևտրային կազմակերպությունների աշխատակիցների, հասարակական կազմակերպութ-յունների, շահագռգիռ քաղաքացիների և այլ տնտեսվարողների համար՝ պատրատված ուսումնացուցադրական մոդելների կիրառմամբ: