Աջակցություն Հայաստանի 7 համայնքներում «կանաչ» բուժ. հաստատությունների հիմնադրմանը՝ շինությունների էներգաարդյունավետության բարելավման և արևային ջրատաքացուցիչ համակարգերով ապահովման միջոցով

Ծրագրի մանրամասներ և արդյունքներ

Ծրագրով նախատեսվում է Հայաստանի Հանրապետության տարբեր մարզերում կառուցվող 7 բուժ հաստատությունների շենքերում իրականացնել էներագաարդյունավետության բարձրացման և այլընտրանքային էներգիայի օգտագործման ցուցադրական նախագիծ` տեղադրելով արևային ջրատաքացուցիչ համակարգեր: Ծրագիրը համաֆինանսավորում է ՀՀ առողջապահության նախարարության «Առողջապահական ծրագրերի իրականացման գրասենյակի» կողմից, որը կատարում է 2,015,000 ԱՄՆ դոլարի ներդրում Համաշխարհային Բանկի կողմից տրամադրած վարկից (75%) և պետբյուջեից (25%)` 2012-2013թթ.ընթացքում հանրապետության տարածքում 13 բուժ. ամբուլատորիաների կառուցման համար: Ծրագրային գործողությունները իրականացվելու են Հայաստանի 5 մարզերի 7 ամբուլատորիաներում:

Արևային ջրատաքացուցիչ համակարգերի տեղադրման և  էներագաարդյունավետության բարձրացման միջոցառումների իրականացման արդյունքում բնական գազի օրական սպառումը կկրճատվի 1900կգ-ով, որը կբերի տարեկան 900 ԱՄՆ դոլարի խնայողություն և կկանխարգելի 5320կգ CO_2-ի արտանետումը մթնոլորտ:

Ծրագրի գործողությունները համապատասխանում են էներգախնայողության և այլընտրանքային էներգետիկայի զարգացման ոլորտում Հայաստանի քաղաքականությանը, ինչպես նաև ծառայում է որպես գործնական մոդել, որը ստեղծում է նախադրկալներ համայնքայն մակարդակում վերականգնվող էներգիայի աղբյուրների օգտագործման և չքավորության նվազեցման համար:

Նախագծի ավարտից հետո սպասվելիք արդյունքներն են.

• Արևային էներգիայի օգտագործմամբ տաք ջրամատակակարման համակարգերի տեղադրում Հայաստանի 5 մարզերի 7 բուժ հաստատություններում,
• Արևային համակարգերի շահագործման վերաբերյալ գործնական պարապունքների անցկացում ամբուլատորիաների անձնակազմերի համար,
• Համայնքային մակարդակում որոշում կայացողների և այլ շահագրգիռ կողմերի հզորությունների ավելացում` մշակելու և իրականացնելու իրատեսական ցածր-ածխածնային տեխնոլոգիաներ: