Ռեսուրսների կայուն կառավարում՝ Լեռնավան և Շենավան բնակավայրերում վարելահողերի պահպանման և մշակաբույսերի բերքատվության բարձրացման համար

Ծրագրի նկարագրություն

 Ծրագրի նպատակն է Լեռնավան և Շենավան համայնքներում ներդնել բնական ռեսուրսների խելացի կառավարում` հողերի դեգրադացիան մեղմելու, գյուղատնտեսության արտադրողականությունն ու արդյունավետությունը բարելավելու և գյուղացիական տնտեսությունների ճկունությունը բարձրացնելու նպատակով:

Ծրագիրը կցուցադրի հողի և ջրի կառավարման կայուն համակարգ՝ բարձրարժեք մշակաբույսերի մշակման տեխնոլոգիաների ներդրման, ինքնահոս ոռոգման նորարարական համակարգի կառուցման և համայնքային հողերի և արդյունաբերական լանդշաֆտների վերականգնման միջոցով: Նախատեսվում է նաև ուժեղացնել տեղական կարողությունները խելացի գյուղատնտեսական գործելակերպերի կիրառման համար։ Ծրագիրն ուղղակիորեն կնպաստի Լեռնավան և Շենավան բնակավայրերի 250 տնային տնտեսությունների ապրելակերպի բարելավմանը, որոնք կսկսեն մշակել նախկինում չմշակվող 120 հա հողատարածք: Նախատեսվում է նաև ներկայացնել կլիմայակայուն մշակաբույսեր, որոնք կնպաստեն արդյունաբերական լանդշաֆտների կայուն օգտագործմանը, աղքատության և արտագաղթի կրճատմանը:

Նախագծի արդյունքները

• Վերականգնված են 120 հա դեգրադացված հողեր, կանխվում է հողերի հետագա դեգրադացիան և ստեղծվում բարձրարժեք կուլտուրաների մշակման իրագործելի հնարավորություն, 
•  Լեռնավան և Շենավան բնակավայրերում կառուցվել է շուրջ 17,000 մետր երկարությամբ ոռոգման համակարգ՝ հագեցած էներգաարդյունավետ պոմպակայանով համայնքի դեգրադացված հողերի վերականգնմանը նպաստելու համար,
• Կառուցվել են 13,000 մ3 տարողությամբ ջրամբարներ՝ Լեռնավան և Շենավան բնակավայրերի ջրային ռեսուրսների պատշաճ կառավարումը ապահովելու համար,
• Հզորացել են համայնքի 970 բնակչի կարողությունները կայուն այգեգործության, ջրի և հողի կայուն կառավարման և կենսաբազմազանության հարցերում,
• Լեռնավան բնակավայրում կառուցված համակարգերը շահագործվում են «Լեռնավան» կլիմայական շրջանառու ներդրումային քաղաքացիական հիմնադրամի կողմից, որի շնորհիվ համայնքային ջրային ռեսուրսները հասանելի են բնակիչների համար։