Սևանի իշխան (Salmo ischchan Kessler) ձկնատեսակի պահպանության և վերարտադրության նախադրյալների ստեղծում` Սևանա լճի ջրահավաք ավազանի մի շարք համայնքներում բնապահպանական իրազեկվածության մակարդակի բարձրացման և Գեղհովիտ համայնքում ձկնաբուծական համալիրի հիմնման միջոցով
Ծրագրի մանրամասներ և արդյունքներ
Ծրագրի շրջանակում նախատեսվում է հիմնել ծկնաբուծական համալիր Գեղարքունիքի մարզի Գեղհովիտ համայնքում: Ծրագիրը կստեղծի հնարավորություն իրականացնելու Սևանի իշխան/Salmo ischchan Kessler/ իձկնատեսակի պաշտպանությունը և վերարտադրումը, որը գրանցված է ՀՀ և նախկին ԽՍՀՄ կարմիր գրքերում, իսկ առաջիկայում կգրանցվի նաև Բնության Պահպանության Միջազգային Միության/IUCN/ կարմիր ցուցակում: Սևանա լիճ և նրա ջրահավաք ավազան տարեկան բաց կթողնվի 5-10 հազար Սևանի իշխան ձկնատեսակի մանրաձուկ: Նախագծի շրջանակներում նախատեսվում է նաև տարածաշրջան հրավիրել գիտական կոչում ունեցող, բուհական, գիտահետազոտական կամ կառավարման մարմիններում պրակտիկ աշխատանքի փորձ ունեցող համապատասխան մասնագետների և կազմակերպել 5 ուսուցողական բնույթի սեմինարներ Գեղհովիտ, Լեռնակերտ, Մադինա, Ն. Գետաշեն, Վ. Գետաշեն համայնքներում:
Համալիրի ֆունկցիոնալ մասն է կազմելու սիրողական ձկնորսության, որը կնպաստի տարածաշրջանում էկոտուրիզմի զարգացմանը: Բացի այդ, համայնքի մոտ 30 տնտեսություններ կապահովվեն սեզոնային ոռոգման ջրով` շնորհիվ ձկնաբուծարանի ջրավազաններից դուրս եկող ջրի:
Նախագծի ավարտից հետո սպասվելիք արդյունքներն են.
- ՀՀ և նախկին ԽՍՀՄ կարմիր գրքերում գրանցված Սևանի իշխան ձկնատեսակի Ամառային իշխան և Գեղարքունի ենթատեսակների մայրական կազմի ծավալների ավելացում, ծրագրի ավարտից հետո նվազագույնը 5 տարի ժամկետով յուրաքանչյուր տարի 5-10 հազար մանրաձկան անվճար բացթողում շրջակա ջրային միջավայր,
- Ջրավազաններից դուրս եկող ջրի մոտ 30լ/վ ոռոգման ջրի ապահովում առնվազն 30 տնտեսության համար,
- Համայնքների առնվազն 150 բնակիչների համար ուսուցողական դասընթացների անցկացում կենսաբազմազանության պահպանության և կենսաբազմազանության համար անվտանգ գործելակերպերի վերաբերյալ «Սևան» Ազգային պարկում և շրջակայքում
- Սիրողական ձկնորսության հնարավորության ստեղծմամբ էկոզբոսաշրջության զարգացում, ինչը այլընտրանքային եկամուտներ ստանալու հնարավորություն կստեղծի համայնքի բնակիչների համար,
- Ձկնաբուծարանում մշտական աշխատատեղերի ստեղծում:
.png&w=3840&q=75)
Բաժանորդագրվեք մեր նորություններին
.png&w=3840&q=75)
