Երկխոսություն պետական եւ հասարակական կառույցների միջև՝ պոլիէթիլենային տոպրակների նվազեցման քաղաքականության մշակման նպատակով

Ծրագրի մանրամասներ և արդյունքներ

Նախագիծը նպատակ ունի լուծել պոլիէթիլենային (ՊԷ) տոպրակների անվերահսկելի և անխոհեմ օգտագործոման և պլաստիկ թափոններով շրջակա միջավայրի աղտոտման խնդիրները: Հայաստանում գրեթե բացակայում են թափոնների վերամշակման և կրճատման գործելակերպերը, հետևաբար ՊԷ թափոնները հայտնվում են աղբակույտերում և հաճախ աղբավայրերում ենթարկվում են բացօթյա ինքնայրման, արտազատելով Ստոկհոլմի կոնվենցիայով արգելված դիօքսիններ և ֆուրաններ: ՊԷ տոպրակների օգտագործման կրճատման կարևորությունը գիտակցում են թե հասարակությունը և թե շահագրգիռ կողմերը, սակայն նրանք ունեն տարբեր և հաճախ հակասող շահեր այս հիմնախնդրի շուրջ: Նախկինում իրագործված նախաձեռնությունները ցանկալի արդյունքեր չեն ունեցել, հետևաբար որոշվել է ցուցաբերել հետևողական մոտեցում՝ փոխադարձ շահերի հաշվառմամբ: Մասնավորապես նախատեսվում է քաղաքականության երկոխության տարբեր ֆորմատների միջոցով փոխհամաձայնության հասնել հնարավոր լուծումերի շուրջ և համապատասխան առաջարկություններ անել որոշում կայացնողներին ՝ ոլորտի իրավակագավորումը բարելավելու ուղղությամբ:

Նախագծի արդյունքները

• Ուսումնասիրվել է ոլորտին առնչվող օրենսդրությունը, հայտնաբերվել են օրենսդրական կարգավորման բացերը, առաջարկություններ են կատարվել ՊԷ տոպրակների նվազմանն ուղղված  օրենսդրական բարեփոխումների վերաբերյալ,
• Ուսումնասիրվել է միջազգային լավագույն փորձը, վերլուծվել են ՊԷ տոպրակների փոխարինման այլընտրանքային տարբերակներ,
• Իրավական, բիզնես, բնապահպանական կրթության բնագավառներում կատարված ուսումնասիրություններն ու մասնագիտական առաջարկները ամփոփվել են համատեղ համաձայնեցված   առաջարկությունների փաթեթում,
• ՊԷ տոպրակների նվազեցմանն ուղղված առաջարկությունները կիրարկվել են պիլոտ համայանքում՝ լայնածավալ հանրային իրազեկման և կրթության միոցառումներին զուգահեռ։